Intro (七年)

Intro (七年) - MastaMic (馬米)

詞：MastaMic

曲：小龜@Tonick

等咗七年等到今日 終於推出專輯

對Hip Hop嘅專一 七年從來冇變質

面對殘酷嘅現實 即使前線告急

仍踏住堅毅步伐 我百折不屈

不為得與失 不求名利同階級

只求將夢想變成事實 一切都係為咗今日

即使呢刻系末日 我嘅生命要即刻消失

死而無憾 因為我過得充實

你根本冇嘢好怕 我唔會俾Hip Hop倒下

從來冇空口講白話 行動將理念實體化

呢張專輯會傳遞信念嘅火把

我嘅血汗會燃燒青春嘅火花

當我將痛苦留俾自己 再將最好送俾你

比起偉大 我仲有遙遠距離

既然我擔起夢想嘅大旗

為咗Hip Hop同你哋 我發誓絕不放棄絕不逃避

用最自大嘅語氣講 要建立我嘅天與地

用最崇高嘅志氣講 我會Hip Hop直至死

我為香港所有Hip Hop同道感到自豪

我希望你哋為我嘅Hip Hop之路感到驕傲

臺上嘅照做 臺下會叫好

想建造Hip Hop樂土 唔需要樂譜

全新嘅角度 全新嘅理想國度 由你我去打造

困難永遠無法將我哋打倒

歷時七年嘗試 跌倒無限次

我再試 我知我一樣可以

終於有一次 當流行起義

流行反擊戰將會改寫香港Hip Hop歷史