帝女花之庵遇 (Live)

帝女花之庵遇 (Live) - 劉惠鳴/李淑勤 (Li Shuqin)

詞：唐滌生

曲：古曲

孤清清 路靜靜

唉

哩朵劫后帝女花

怎能受斜雪風悽勁

滄桑一載裡 餐風雨

續我殘餘命

鴛鴦劫後此生

更不復染傷春症

心好似月掛銀河靜

身好似夜鬼誰能認

劫後弄玉怕簫聲

說什麼連理能同命

念國亡 父崩母縊

妹夭弟離

剩我借一死避世敲經

孰憐駙馬空枉有誓盟定

唉 怕憶劫後情 誰願再認

只有飄飄落葉伴殘命

一哭國土血尚腥

再哭父死未得葬皇陵

奈何佛法難護庇

唉 枉敲青磬

哀帝女 念盡阿彌

難把國魂 喚醒呀

唉 老姑姑

都經已於在月前死去咯

哩個新嚟嘅主持

佢都未識帝女花飄

更未解憐香惜玉

當此快雪初晴

便命我把山柴拾取

唉

正是不求樂昌圓破鏡

只憑魂夢哭皇陵啫

我飄零猶似斷篷船

慘淡更如無家犬

哭此日山河易主

痛先帝白練 無情呀 呀

歌罷酒筵空 夢斷巫山鳳

雪膚花貌化遊魂

玉砌珠簾 皆血影

幸有涕淚哭茶庵

愧無青冢祭芳魂

落花已隨波浪去

不復有粉剩脂零

冷冷雪蝶尋梅嶺

曲中絃斷香銷劫後城

此日紅閣有誰個悼崇禎呢

唉

我燈昏夢醒哭祭茶亭

釵分玉碎 想殉身歸幽冥

帝后遺骸誰願領 碧血積荒徑

雪中燕已是埋名和換姓

今生長願拜觀音掃銀瓶

唉吔 奇怪啦

點解哩個道姑既背影

咁似已死既長平公主既呢嚇

莫非莫非幽魂現眼

唔會呀

如果系幽魂現眼

亦都唔會作道姑打扮嘎

事有蹺蹊

待我叩門一問至得

哎呀 呢一度系清蓮界庵堂地

我都要稍存禮儀

未敢造次

哎呀 你 哎呀 奇怪啦

何以佢閉門不納呢

事更可疑 待我衝門而進至得

你

請問哩位施主衝門

系借茶抑或系拜佛啊

呃 我一不是借茶 二不是拜佛

不過有一句說話

想求師傅你點化唧

你 你何以閉門不納呢

呃 呃系

庵內無人 主持都未返

俗世男女都尚且授受不親

又何況系佛門清淨地呢

哦 師傅

我好應該長拜佛門慈悲既

一問師傅你貴姓啊

呃 貧道俗身姓沈 法號慧清呀

嚇 你叫做慧清呀

系

飄渺間 往事如夢情難認

百劫重逢佢緣何埋舊姓啊

夫妻斷了情

唉 鴛鴦已定 烽煙已靖

我偷偷相試 佢未吐真情令我驚

唉

夭折紅顏命

我願棄凡塵伴紅魚和青磬

敲經斷俗世情

雖則烽煙已靖 須知罡風也勁

我守身應要避世 休談愛戀經

論理佢應該要把夫婿認

複合了 偷偷暗中喚句卿卿

公主 徽呢

嚇 施主你叫喚何人呀

我叫喚公主囉

哦 咁公主又系施主你何人呢

公主系我妻房

嚇

我話公主系我妻房啊

施主你叫喚妻房

應該在家中叫 房中叫

又何解會叫到囄佛門清靜地呢

嚇

俗世塵緣事 我唔願聽

你莫尋偶清規地

將觀音兩番誤作湘卿

你 你似瘋顛

我不禁失驚 暗中念句經

我今都已將剃度

半生夢已醒 勸君休錯認

我才十歲咋

經棲身皈依佛法 一心拜神靈

你睇嚇佢真系噉忍心

唔肯認我

呀 試問誰無骨肉之親

父女之愛

等我講下先帝崇禎嘅慘事

若果佢喊親哩

不問而知就梗系公主嘎啦

復向前朝認

嘆崇禎 巢破家傾

你可有為佢沉痛 沉痛敲經

靈臺裡 嘆孤清 月照泉臺靜

唉 一對蠟燭也無人奉敬啊

啊 師傅你 你喊啦你

你緊繫公主啦

施主 你錯啦

皇帝係為我哋而死嘅

試問我哋又點可以唔喊呢

我哭故國凋零

問誰個能忘佢自縊在紅閣

謝民愛甘犧牲性命

感先帝哭絕了聲

深宮裡有朵帝女花

佢嘅慘處你可再願細聽

哎呀

帝女花已遭劫難 我不願再聽

怕荒山冷靜 誰願與君孤單相對

犯了清規玷辱了名

施主

我知道你係一個傷心人

但系可惜哩處唔系一個傷心地

恕貧道不能奉陪

先行告退 阿彌陀佛啦

唉吔 師傅

我想求下你呀

你帶我去燒香 懺下舊情

唉吔 唔得嘎

仙庵寶殿 多清淨

不要凡人妄敲經

莫忘形 我勸君

勸君再莫染情狂病

更未許再留停