火網焚宮十四年 歌詞
【粵劇】火網焚宮十四年 (Live) - 尹光 (Wan Kwong)/李敏華
詞：唐滌生
曲：古曲
女：
鳳燭替人雙灑淚
魚更催我 獨傷神
慚著鳳凰裙 愁看鴛鴦枕
春山含顰怕憶風月痕
滿衣衿 滿衣衿 桃花血淚印
恨煞情天不相憫
巫山雨 楚峰雲
雨雨雲雲苦在心
長安一朵飄零杏
今晚夜玉堂難做李夫人
卻為花已成胎
又點共得李郎合巹
男：
今宵慶合巹
解得相如恨
何用再操琴
春滿玉樓笙歌襯
自喜自喜桃源近
我願名花不謝 長伴
詩人 簾幕散幽香
燭花紅吐豔
若不是公子多情
又點得佳人 共枕
唉 玄機
你今日得到落葉歸根
都怕唔使再學啼蟬飄恨咯啩
女：
君似東皇憐落葉
可惜我是殘花敗柳身唧
男：
冇相干
睇你素馨花插綠雲鬢
陶醉我心魂 你使乜背轉身唧
使乜背轉身
輕輕手抱瑤臺月下人
女：
我身負了心 我心負了君
男：
你有乜嘢負我唧
玄機 你何必咁幽怨呢
女：
我自有所抱憾
勸君休再問
男：
睇見你多愁善感
你唔好甘傷心啦
女：
你有所不知咖嘞 李公子
男：
痴人 痴人何用常抱恨
此身甘化蝶 紅樓傍繡裙
女：
花已無香 唯有恨
詩人祗合 吊花魂
我魚玄機 已屬殘脂粉咯
斷腸者 空對熱腸人
無限思量 又覺腹中難
唉吔
男：
玄機 玄機 玄機 你點呀 玄機
女：
哎吔
男：
哦 有臊孲叫
哦哦原來開花結子
真來雙喜來臨
我都可謂一頭彩咯
難怪龍鳳燭 紅淚長垂
憐我呢個新郎 倒運
未同床 先有子
雖然量大 也難堪
嚸想愛錯枝出牆 紅杏
我燈下彷徨
重講乜共諧衾枕
女：
李公子
我已到這般田地
唯有一拚斷送香魂
今日孽種嘅已離身
我願在君前自刎
男：
咪咪咪 唉 螻蟻都尚且貪生
你又何苦輕生得咁笨呢
你要知道情可了 緣可了
但那孽債不可了
試問你一死 誰憐此禍根
我不是摧花蝴蝶
何忍見花落香塵
自古名花飲恨為多情
你何不一訴淒涼底蘊
女：
李公子
情愛是愁根 種出人間恨
愛河情海 葬盡幾多人
我改節為金錢 欲解郎監禁
至有無瑕碧玉 留得點點
汙痕 含淚入君門
實有滿懷悲忿
男：
唉 都是黃金作祟
拆散哩對鳳凰禽
福薄緣慳 休再問
夫妻骨肉 要還人
咁你快去都莫留連
你帶番個女去啦
再續你嘅未完情份
女：
李公子
難得你汪涵海量
寬恕呢個薄命釵裙
唯有默祝來生再侍李郎衾枕
男：
玄機 有今生唧
邊嗻重有來世吖
唉等我疊埋心水 拈燈送玉人