蝶影紅梨記之詠梨 歌詞
蝶影紅梨記之詠梨 - 吳美英/蓋鳴暉
詞：唐滌生
曲：唐滌生
書齋三更倍幽靜
夜雨夢覺靜聽秋聲
推開窗紗再偷認
不見玉女留形
此際臨門致敬
把你餘情鑑領
赴約三更破愁城
休再莫說癡情
再莫說孤零
莫把秋燈照恨影
得天仙三更下降
心雖破碎也覺有殊榮
傷心怕復聽
珍惜劫後處境
拜謝隆情
秀才 今夜之會
只可談風月
不能談往事
此際造訪寒齋
愧無可敬
只好折花相贈咯
多謝紅蓮姐
秀才
你知唔知呢種叫做乜嘢花呢
花我就見得多叻
呢種花我真系唔知噃
咁你估嚇啦
好 等我估下
莫不是海棠花呢
若是海棠無詩興
只有石榴能比拼
石榴花放夏蟬鳴
信是碧桃我又難肯定
怎奈碧桃落盡怯秋聲呀
呀 看來定是紅山茶
開到山茶已是冬暮景
咁到底系乜嘢花呢
呀 秀才
一枝紅梨花
休猜作枯枝杏
花離猶泣血
人別怎勝情
早欲問花神
底事偏派紅梨
獨掌着三春
花權柄
有情人會少離多
有情花空枝難戀爲憐花薄命
不許伴春榮
花影輕盈
倩影輕盈
望君你且把人花重比拼
紅蓮姐
眼前花嬌人亦嬌
何不共作詠梨詩一首呢
好呀 秀才請
紅蓮姐先請
咁 秀才你聽住啦
本份天然白雪香
誰知今日卻濃妝
千秋院落溶溶月
羞睹紅脂睡海棠
好詩 好詩
咁輪到你叻
咁我獻醜咯噃
換卻冰肌玉骨胎
丹心吐出異香來
武陵溪畔人休說
只恐夭桃不敢開
唉呀 好詩
哈哈
詩就係好詩
不過人就鈍胎啲啫
紅蓮姐呀
嚇
你吟得一首好詩
何不寫在桃箋素絹
待我洗硯磨墨
好待你濡筆一揮呀
咁有勞秀才啦
寫不成
紅蓮姐
嚇
點解你唔寫呢
唉呀 我都唔識寫
又點會呢
你吟得一首咁好嘅詩
又點會唔識寫架
怕拈管城
倍感傷情
今宵正好結得翰墨情
既成妙句
盼睹書法留字證
最是 學書法未成
塗鴉會敗興
我又點敢落筆呢
紅蓮姐呀
嚇
你真系唔寫嘅
哦 我唔系話唔識寫
不過寫得唔好咯
不如就唔寫啫
提起寫字
我又想起我嘅素秋啦
佢寫卑我的詩呀
真系寫得好靚架
簪花字 簪花字
懷念謝素秋涕淚零
筆也端正
哭泣失聲
香車夢斷黃梁醒
唉呀 秀才
你睇下你呀
我地都話佐不提往事咯
而家你想下又喊
睇下又喊
剩番我一個人響處孤零零咁
你話有乜好啫
呀 不如咁啦
以身替代了鴛鴦侶
我願以此身替代素秋
三更夜冷供呼應
我嘅人也此心已冰
客途獨宿怯寒病
暫借我情愛似春暉化冰
恨滿須盡興
恩情雖難復永
畫朵梅花解渴望症
秀才
不如你就將我當系素秋吧啦
紅蓮姐 咁你以後唔好再離開我啦
我唔會離開你嘅
唉呀
聽雞聲啼破雲間月
依灼未許再留停
素秋未許換紅蓮
莫把舊愛新恩重追認
紅蓮姐
紅蓮姐呀
唉
紅梨花伴蝴蝶影
新舊相思一段情
呀