Pandora樂隊

蒲公英滿滿的種子
不管大世界如何變
命定隨風飄散傳播
於空氣光影層飄舞
各有命途落地生根
聚散散聚既成定數

阻止不了萬物循環
何不關顧彼此心靈
讓生命能傳承下去
不如珍惜當刻人事
感受箇中寶貴課題

花之生命

三位年輕小説家以音樂 展開萬物為師之旅，
花瓣散開、金粉撒落喚醒初心保持善良繼續前進。

Pandora首次麥花臣演唱會《BLOOM LIVE 2025》香港場圓滿結幕，你…想念當晚的無間斷的歌單？你們的吶喊、拍手聲？是時候重温吧！

Pandora《BLOOM LIVE 2025》 於音樂平台上線，讓Pandora作品再度踏進森林感受大自然及層遞的情感引領你們前往希望之境。

BLOOM LIVE 2025

BLOOM

繼夢見蝴蝶諗到講生命長短，最緊要痛痛快快活活去慨故事； 
然後瞓唔到覺又嘔出漩渦，從而諗到以花的一生道出生命傳承！

今次Pandora見到雀與鳥慨對話，於是諗到展開熱血冒險，
並悟出義不容辭兩脅插刀慨氣魄！！

創作期間有成員見到小鳥互相扶持的畫面，感受到以下慨POV：
兩隻雀仔 – 分別叫Pan 與 Dora

Dora：
“我好緊張啊……今日系我第一次試飛，萬一飛唔起點算呀？萬一跌咗落去點算呀？”

Pan：
“唔驚，你仲記唔記得我哋喺個蛋殼度破出嚟嗰陣呀？嗰陣時我哋企都企唔穩呀，但系而家我哋跳嚟跳去都得啦，飛都系一樣㗎咋，只要你勇敢嘗試，就一定得㗎喇！”

Dora：  
“但系…我見到好多其他雀仔第一次飛嗰陣時跌得好痛呀，我驚我都會系咁樣…”

Pan：
“就算跌親都系學習慨一部分呀記住！你睇下而家飛得最高最遠嗰啲雀仔呀邊一隻唔系跌住咁學點樣去飛㗎？最緊要你願意嘗試，就算跌親都好繼續企返起身再嚟過！”

Dora：
“你啱……我唔能夠因為驚而放棄，我要飛得好高、好遠！”

Pan：
“冇錯！記住，只要你夠勇敢！個天就係屬於你慨！只要你願意展開對翼，啲風就會托起你！”

Dora：
“嗯！我準備好喇！等我飛畀你睇！”

Pan： 
“去啦！等你返嚟話畀我聽有幾好玩！”

（Dora展開佢對翼，勇敢咁樣飛向天空，雖然一開始佢唔繫好平衡，但系逐漸佢已經揾到要訣，飛得越嚟越高。）

“就做你吧 人生無下次”
過程雖辣
只要有人陪伴、提醒；
加上你慨勇氣、（幼稚？）、鬥志，
又使咩驚呀？？？

由而家呢一刻開始：
“日日月月 編寫新章節 瀟灑的去走”

年輕小說家

Ilıılıılıılıılıılı 喂喂？？你知唔知最近興啲咩？  
Hey…原來毛毛蟲會同植物共同進化。 Ilıılıılıılıılıılı
 
Ilıılıılıılıılıılı 喂喂？10月天氣⋯⋯
Hey…我唔記得咗今年要同你去睇咩show? Ilıılıılıılıılıılı
 
有冇發現人同人之間嘅對話模式，
時而陌生卻又熟練；本來糖黐豆轉眼又淡淡然。
成熟咗就知傾得埋唔系必然，
於是更珍惜遇到可以飲杯傾到偈嘅朋友！
 
後生嗰陣會覺得講bye bye即系冇得去下場繼續飲，  
偈都未傾夠就完啦？？？唔爽喎！！！
 大個咗懂得，反正一切皆無定數，
話唔埋呢刻步速不一，下秒同步 who knows???
 
拍咗膊頭記得啲承諾未必直到永遠
（至少個腦有段記憶屬於我哋）；

霎時間嘅漸行漸遠，
原來都冇say bye bye又繼續連線，世界就係咁怪！
 不如提醒自己：
「熟練新生態首要調整心態，切記愉快 (Smile) 。」
 
Ilıılıılıılıılıılı 喂喂咁你年尾放假返唔返嚟??
Hey…有你有我! Ilıılıılıılıılıılı

痛痛快快活活去

成長探究 第3談 ：研究Pandora突然派糖源於啲咩？
玩音樂同時擔當“成長探究隊”慨Pandora，
《緊急應變逃生法》研討心態轉換，開心可以揀慨課題；
《反引力塵》以重量練習提醒人類應對不同慨批評、目光也要清醒活出自己，勿過度迷失。
若前兩首作品帶出回甘、清爽滋味慨話；
《粉紅泡泡防護罩》就係要感官掀起甜到漏慨感知！
甜令你感到夢幻、活潑（曳？）、快樂、睇咩都好靚⋯無論揮發出咩狀態，
都可確定你擁有慨唔止系一時慨快樂！而系藏喺心底可以歷久常新，
並令我哋必要時深吸一口氣，繼續前進尋找自己慨專屬感受。
2024 – 2025年 Pandora探究成長慨各種味道，
整個探究過程，歡迎有緣人共同品嚐。

粉紅泡泡防護罩

世間應是相對：有善必有惡，有陽必有陰！因此當「吸引力法則」是真理時，在未知的宇宙應該存在一套「反吸引力法則」？從正面意義來説，人類所擔心害怕的，正是每個人於世間誕生所需上一堂關乎「超越與放下」的課。要是未能理解、感受且應用，那反吸引力法則就會使我們於未修行完成的課堂上不斷重複領悟並作出選擇；亦是佛教所言「輪迴不斷」。

人類於萬千世界猶如微塵，我們既沒航海圖亦非預言家，每場修行均是被引力吸進循環兼進行意想不到或似曾相識的旅程。每道風景可美麗得讓人心動地停留；亦會因遇上旱雷、風雨難以前進，箇中除萬象藴藏不測外，人心也是令修行裏其中一項難題，到底要完成修行需拼湊那塊砌圖；分岔路時如何選擇，每道也是於不同修行中所汲取的智慧後應用方程式，能完成才能畢業得道。

吸氣再呼氣，讓循環的思緒找到出口；難題頑固，總有解決方案，這趟修煉未意識到的，下趟再發掘！雖然並冇任何系統、法則如度身訂造切合每個人生；至少於每個命運棋盤上，我們皆能自行把想要達到且不願背棄的以剔除法作為導航器，逐步前進就好。

反引力塵

https://image.joox.com/JOOXcover/0/ac59fd386a3ac5bf/300

花之生命

歌曲列表

花之生命

更多 Pandora樂隊