Pandora樂隊

重聚那一天

继梦见蝴蝶谂到讲生命长短，最紧要痛痛快快活活去慨故事； 
然后瞓唔到觉又呕出漩涡，从而谂到以花的一生道出生命传承！

今次Pandora见到雀与鸟慨对话，于是谂到展开热血冒险，
并悟出义不容辞两胁插刀慨气魄！！

创作期间有成员见到小鸟互相扶持的画面，感受到以下慨POV：
两只雀仔 – 分别叫Pan 与 Dora

Dora：
“我好紧张啊……今日系我第一次试飞，万一飞唔起点算呀？万一跌咗落去点算呀？”

Pan：
“唔惊，你仲记唔记得我哋喺个蛋壳度破出嚟嗰阵呀？嗰阵时我哋企都企唔稳呀，但系而家我哋跳嚟跳去都得啦，飞都系一样㗎咋，只要你勇敢尝试，就一定得㗎喇！”

Dora：  
“但系…我见到好多其他雀仔第一次飞嗰阵时跌得好痛呀，我惊我都会系咁样…”

Pan：
“就算跌亲都系学习慨一部分呀记住！你睇下而家飞得最高最远嗰啲雀仔呀边一只唔系跌住咁学点样去飞㗎？最紧要你愿意尝试，就算跌亲都好继续企返起身再嚟过！”

Dora：
“你啱……我唔能够因为惊而放弃，我要飞得好高、好远！”

Pan：
“冇错！记住，只要你够勇敢！个天就系属于你慨！只要你愿意展开对翼，啲风就会托起你！”

Dora：
“嗯！我准备好喇！等我飞畀你睇！”

Pan： 
“去啦！等你返嚟话畀我听有几好玩！”

（Dora展开佢对翼，勇敢咁样飞向天空，虽然一开始佢唔系好平衡，但系逐渐佢已经揾到要诀，飞得越嚟越高。）

“就做你吧 人生无下次”
过程虽辣
只要有人陪伴、提醒；
加上你慨勇气、（幼稚？）、斗志，
又使咩惊呀？？？

由而家呢一刻开始：
“日日月月 编写新章节 潇洒的去走”

年輕小說家

蒲公英满满的种子
不管大世界如何变
命定随风飘散传播
于空气光影层飘舞
各有命途落地生根
聚散散聚既成定数

阻止不了万物循环
何不关顾彼此心灵
让生命能传承下去
不如珍惜当刻人事
感受个中宝贵课题

花之生命

Ilıılıılıılıılıılı 喂喂？？你知唔知最近兴啲咩？  
Hey…原来毛毛虫会同植物共同进化。 Ilıılıılıılıılıılı
 
Ilıılıılıılıılıılı 喂喂？10月天气⋯⋯
Hey…我唔记得咗今年要同你去睇咩show? Ilıılıılıılıılıılı
 
有冇发现人同人之间嘅对话模式，
时而陌生却又熟练；本来糖黐豆转眼又淡淡然。
成熟咗就知倾得埋唔系必然，
于是更珍惜遇到可以饮杯倾到偈嘅朋友！
 
后生嗰阵会觉得讲bye bye即系冇得去下场继续饮，  
偈都未倾够就完啦？？？唔爽喎！！！
 大个咗懂得，反正一切皆无定数，
话唔埋呢刻步速不一，下秒同步 who knows???
 
拍咗膊头记得啲承诺未必直到永远
（至少个脑有段记忆属于我哋）；

霎时间嘅渐行渐远，
原来都冇say bye bye又继续连线，世界就系咁怪！
 不如提醒自己：
「熟练新生态首要调整心态，切记愉快 (Smile) 。」
 
Ilıılıılıılıılıılı 喂喂咁你年尾放假返唔返嚟??
Hey…有你有我! Ilıılıılıılıılıılı

痛痛快快活活去

成长探究 第3谈 ：研究Pandora突然派糖源于啲咩？
玩音乐同时担当“成长探究队”慨Pandora，
《紧急应变逃生法》研讨心态转换，开心可以拣慨课题；
《反引力尘》以重量练习提醒人类应对不同慨批评、目光也要清醒活出自己，勿过度迷失。
若前两首作品带出回甘、清爽滋味慨话；
《粉红泡泡防护罩》就系要感官掀起甜到漏慨感知！
甜令你感到梦幻、活泼（曳？）、快乐、睇咩都好靓⋯无论挥发出咩状态，
都可确定你拥有慨唔止系一时慨快乐！而系藏喺心底可以历久常新，
并令我哋必要时深吸一口气，继续前进寻找自己慨专属感受。
2024 – 2025年 Pandora探究成长慨各种味道，
整个探究过程，欢迎有缘人共同品尝。

粉紅泡泡防護罩

世间应是相对：有善必有恶，有阳必有阴！因此当「吸引力法则」是真理时，在未知的宇宙应该存在一套「反吸引力法则」？从正面意义来说，人类所担心害怕的，正是每个人于世间诞生所需上一堂关乎「超越与放下」的课。要是未能理解、感受且应用，那反吸引力法则就会使我们于未修行完成的课堂上不断重复领悟并作出选择；亦是佛教所言「轮回不断」。

人类于万千世界犹如微尘，我们既没航海图亦非预言家，每场修行均是被引力吸进循环兼进行意想不到或似曾相识的旅程。每道风景可美丽得让人心动地停留；亦会因遇上旱雷、风雨难以前进，个中除万象蕴藏不测外，人心也是令修行里其中一项难题，到底要完成修行需拼凑那块砌图；分岔路时如何选择，每道也是于不同修行中所汲取的智慧后应用方程式，能完成才能毕业得道。

吸气再呼气，让循环的思绪找到出口；难题顽固，总有解决方案，这趟修炼未意识到的，下趟再发掘！虽然并冇任何系统、法则如度身订造切合每个人生；至少于每个命运棋盘上，我们皆能自行把想要达到且不愿背弃的以剔除法作为导航器，逐步前进就好。

反引力塵

《紧急应变逃生法》告诉我们的事： 
 
营营役役地过叫生存，唔系叫生活！
唔通每个人都跟随游戏规则去做先啱？
所谓成功系咪得一种形态？
 
唔理任何人讲嘅一字一句都在意，咁样做人唔攰咩（至少耳仔会疲劳）？
部分人类根本自私只顾自己嘅快感，再观念错哂咁去批判你，
人哋咁优秀点解仲要紧张佢哋讲啲乜然后影响到自己吸收更好嘅养分？
你值得拥有更好㗎，OK？
 
讲真生存系需要好用力，不如将集中力放喺适合自己嘅人事物度！
唔好再嘥时间搞到人生脱轨影响修行，导致再嚟多Round去修补，好唔好？
 
别再拖！
系时候你需要一套为自己度身订造且能随时使用嘅逃生心法去拯救人生！
唔好等到深切治疗先揿紧急制呀施主！
 
今日起活学活用，轻轻松松；你就系人生胜利组 ٩( ᐛ )و

緊急應變逃生法

梦想不该破碎，
拾回碎片；踏上旅程，
犹幸彼此仍在，捉紧心跳继续前进，
向最期待的画面出发！
Pandora乐队2023.10.29举行首个专场，门票极速售罄，当晚乐迷登上先
锋号共同见证三子经历小插曲后更趋成熟地挥发力量演出；令大家忘我
投入在Pandora的音乐轨迹！
总结 Pandora 2023 年精彩梦幻的《GALAXY WITHIN 2023》，值得我们好
好回味，ENJOY THE RIDE !

GALAXY WITHIN 2023

https://image.joox.com/JOOXcover/0/4dae32307879a4e5/300

重聚那一天

歌曲列表

更多 Pandora樂隊