BLUE
有關BLUE :
如果你正在尋找適合的音樂來調整自己的心情，那就上JOOX在線收聽 BLUE吧！ 由薛晉寧 一同推出的 BLUE 於 2024年3月14日 上架，收錄合共1 首歌曲，每首作品互相配合，造就這張完美的專輯！
我喺你身上學識嘅技能包括：心動、表白、拍拖、小動作、關心、掛念、驚喜、難過、執着、温柔、冷戰、和好、快樂⋯⋯種種加起，大概就係愛上一個人時候嘅萬種情感，我曾經認為戀愛哩個課題，我已經畢業，但認識Oli後我諗諗下，我學識咁多，唔學以致用，又好似有啲蠢。
然後我同Oli，雖然大部分時間就算唔特別放閃都閃緊，但仍然會偶然鬧交、冷言冷語，我先發現原來我未學曬。 原來我之前只系逃學，愛哩個faculty，似乎系不斷會開新課程，有啲要温書，有啲要重頭學起，我諗而家嘅我，又變返初初同你一齊坐嘅我差唔多，都好，唔會唔認得。 我想見你，每秒繼續掛住緊，你畢業，我過咗幾年藍色時期，而家又變返有少少粉紅色。
唔講太多，又老咗一歲，開始唔太在乎講嘢有咩人明，感覺比理解重要，每當我慢慢地深呼吸，我就可以感覺到你。 請唔需要特別保佑我哋，我哋有彼此，一步步地互相扶持，相親相愛，乃我們相處之道也。 有日我哋見面，我哋會再喺粉紅色樹下，飲藍色汽水。
