Cinto Dihalang Matohari

Bukan ndak cinto bukan ndak sayang

Den putuih banang alah basulam salamoko

Dek bansaik hiduik mularaik diri

Kasiah dihadang dek matohari yolah malang

Balangik batapak bumi disalo siang jo malam

Kadalam den raguak tangih

Denai rilakan adiak bajalan

Kok dihati anggan malapeh

Nak sapadan buku jo rueh

Batang gantiang patah juo

Kini bathin bacampu cameh

Hujan tangih anggan ka paneh

Jo a den apuih diak aia mato

Bia kini den suruik langkah

Kok nan kalam den tampuah juo

Kini kasiah alah bapisah

Ungkaian cinto den bingkai juo

Dek bansaik hiduik mularaik diri

Kasiah dihadang dek matohari yolah malang

Balangik batapak bumi disalo siang jo malam

Kadalam den raguak tangih

Denai rilakan adiak bajalan

Kok dihati anggan malapeh

Nak sapadan buku jo rueh

Batang gantiang patah juo

Kini bathin bacampu cameh

Hujan tangih anggan ka paneh

Jo a den apuih diak aia mato

Bia kini den suruik langkah

Kok nan kalam den tampuah juo

Kini kasiah alah bapisah

Ungkaian cinto den bingkai juo