โอเคแม่ใหญ่สอน

เบิ่งขี้ฝ่า

ยังไหลเหลี่ยนเหลี่ยนคือใจนางมาเปลี่ยน

บ่คือมื้อก่อนหลัง

อ้ายถามน้องตอบว่าฮัก

คำแน่นหนักเบิ่งตามันฮู้ใจ

ทุกคำที่พร่ำออกไป

อ้ายกะสุขใจหลายที่น้องตอบโอเค

โอเคเป็นภาษาฝรั่ง

อ้ายได้ฟังกะคึดเป็นฝั่งเป็นฝา

ผืนนา ที่เคยเงียบเหงากะสิมีคนเบิ่งดาว

เคียงข้างบ่ห่าง

ลมแล้งยังพัดมาเป็นพยาน

แม้ไม่มีต้นจานแต่ยังมีกกสะแบง

แต่โอเคบ่เถิงปี

คำคำนี้มันยังคอยวนเวียน

เบิ่งน้องนางมาแปรเปลี่ยน

สัญญาโอเคบ่ได้เขียน เว้าลืมถิ่มไปบ่ใยดี

ถิ่มให้อ้ายนี้

คอยหวังอยู่เกือบปี นี่หรือโอเคเธอ

มันโอเคแบบใด๋

ไปจำโอเคมาจากไส

อ้ายให้เบิดเทิงใจ

ย้อนบ่เคยฮักไผ ย้อนหลงใหลคำโอเค

มันโอเคแบบใด๋ ไปจำโอเคมาจากไผ

นี่มันโอเคแม่ใหญ่สอน

บ่มีความแน่นอน

สะออนหลายคำเธอโอเค

สุดท้ายใจต้องมาพังเพ

ใจอ้ายหมุ่นเอ้เล้ ย้อนเชื่อคำโอเคเธอ

มันโอเคแบบใด๋ ไปจำโอเคมาจากไส

อ้ายให้เบิดเทิงใจ

ย้อนบ่เคยฮักไผ ย้อนหลงใหลคำโอเค

มันโอเคแบบใด๋ ไปจำโอเคมาจากไผ

นี่มันโอเคแม่ใหญ่สอน

บ่มีความแน่นอน

สะออนหลายคำเธอโอเค

สุดท้ายใจต้องมาพังเพ

ใจอ้ายหมุ่นเอ้เล้ ย้อนเชื่อคำโอเคเธอ

หลอกเข้าไปใจอ้ายมันแค่เพ

มันแค่เจ็บแค่เซ มันยังโอเคอยู่

ได้เจ็บได้จำ

กับคำที่เรียนรู้

ได้รู้จักได้ฮู้ กับคำโอเคเธอ

ยังบ่ตายดอก

แค่ฟูมฟายนิดหน่อย

อยู่กับเถียงนาน้อย

ค่อยค่อยหายค่อยค่อยจาง

ฮักต่อไปสิได้จดจำไว้บ้าง

ว่าอย่าเพ้อพกความหวัง

กับแค่คำโอเค

เบิ่งขี้ฝ่า ยังไหลเหลี่ยนเหลี่ยนคือใจนางมาเปลี่ยน

บ่คือมื้อก่อนหลัง

อ้ายถามน้องตอบว่าฮัก

คำแน่นหนักเบิ่งตามันฮู้ใจ

ทุกคำที่พร่ำออกไป

อ้ายเพิ่งมาเข้าใจ

บ่มีอันใด๋โอเคเลย