賭仔回頭

賭仔回頭 - 鄭君綿

講到麻將術

我並冇誇讚啊

我一向唔曾撞啊撞過板

點知昨啊昨晚黑

真正彎 真正彎

輸錢要夾受彈 唉

我嘅牌最爛

實覺心啊淡

打到我忘形

我亂呀亂晒坑

俾佢截正糊

真正慘 真正慘

激得我手都冷

出銃最多輸親四番

牌運最衰 整定我破產

叫二五八

三飛即食兩番

我因貪只發字想爆大棚

點知唔夠運 我自怨睇差眼

一嚇糊塗呀就呀就斷纜

想話食啊食滿胡

啱呀啱相反

輸到我火遮眼

打佐八圈

食過一鋪兩番

想落最慘

因為我太貪

有鋪為博多番

貪食白呀板

打生張八萬

單吊住南

可惜行錯路

弊過頂心杉

仲要出銃呀平湖

撞呀撞正板

瓜直無掹

得呀番光呀蛋

啲錢呀有去無還

輸到氣都咳

我呀定呀佐眼

賭博原來系呀系咁慘

若好賭

一世彎 一世彎

家產也可傾散

不可猛賭 只可當玩

賭就會輸 輸就吊罉

任你點叻都會撞呀板

賭錢有害休當為閒

我說真話 呀絕冇虛泛

賭博沉迷 實呀實聽彎

一定無掹

悔當初古板 不聽老妻規諫