月光光．照地堂

月光光，照地堂，

蝦仔你乖乖瞓落床。

聽朝阿媽要趕插秧咯，

阿爺睇牛佢上山崗，啊。

蝦仔你快高長大咯，

幫手阿爺去睇牛羊，啊。

月光光，照地堂，

蝦仔你乖乖瞓落床。

聽朝阿爸要捕魚蝦咯，

阿嫲織網要織到天光，啊。

蝦仔你快高長大咯，

划艇撒網就更在行。

月光光，照地堂，

年三十晚，摘檳榔，

五穀豐收堆滿倉囉，

老老嫩嫩喜喜洋洋，啊……

蝦仔你快啲眯埋眼囉，

一覺瞓到大天光，啊……