米拉日巴道歌

米拉日巴道歌 - 唐格爾樂隊

詞：米拉日巴傳

曲：拉卜楞南木特

出品：拉卜楞天界文化

音樂宣傳：謝旦貼吧工作室

ཨེ་མ་རི་ཁྲོད་དབེན་པའི་གནས།།

རྒྱལ་བ་བྱང་ཆུབ་བརྙེས་པའི་ས།།

གྲུབ་ཐོབ་རྣམས་ཀྱི་བཞུགས་པའི་ཤུལ།།

མི་ང་རང་གཅིག་པུ་འདུག་པའི་ཡུལ།།

བྲག་དམར་མཆོང་ལུང་ཁྱུང་གི་རྫོང་།།

སྟེང་ན་ལྷོ་སྤྲིན་ཁོར་མ་ཁོར།།

འོག་ན་གཙང་ཆབ་གྱ་མ་གྱུ།།

བར་ན་རྒོད་པོ་ལང་མ་ལིང་།།

རྩི་ཤིང་སྣ་ཚོགས་བན་མ་བུན།།

ལྗོན་ཤིང་གར་སྟབས་ཤིགས་སེ་ཤིགས།།

བུང་བ་གླུ་ལེན་ཁོ་རོ་རོ།།

མེ་ཏོག་དྲི་ངད་ཆི་ལི་ལི།།

བྱ་རྣམས་སྐད་སྙན་ཀྱུ་རུ་རུ།།

དེ་འདྲའི་བྲག་དམར་མཆོང་ལུང་ན།།

བྱ་དང་བྱེའུ་གཤོག་རྩལ་སྦྱོང་།།

སྤྲ་དང་སྤྲེའུ་ཡང་རྩལ་སྦྱོང་།།

རི་དྭགས་སྣ་ཚོགས་བང་རྩལ་སྦྱོང་།།

ང་མི་ལ་རས་པ་ཉམས་རྩལ་སྦྱོང་།།

ཉམས་རྩལ་བྱང་ཆུབ་སེམས་གཉིས་སྦྱོང་།།

ང་དང་དབེན་པའི་གཞི་བདག་མཐུན།།

ཁྱེད་འདིར་ཚོགས་འབྱུང་བོ་མི་མ་ཡིན།།

བྱམས་སྙིང་རྗེའི་བདུད་རྩི་འདི་འཐུངས་ལ།།

རང་རང་སོ་སོའི་གནས་སུ་དེངས།།

རང་རང་སོ་སོའི་གནས་སུ་དེངས།།