萬惡淫為首之乞食

嗨冷得我沌沌震

真係震到入啊心啊

心啊酸我重發緊冷

都好似腳軟難行

乜點解行行又似覺

好似身不穩

點揾得到各位善長人翁

希望佢做一點好心啊

心啊傷嗟怨不幸逢絕運

虧我運蹇時乖

不幸作了盲人人人

唉！好心啦大姑，施舍下啦大姑﹗

唉！正喺人逢絕境，都一定多哀感，

我自己感懷身世，都本想去自輕生。

一個人生生死死，本喺無足恨，

恨我心頭仍掛，我有位老父未歸臨，

我記得佢臨行佢仲對住我，仲諄諄訓，

訓示話揇過床頭，都算父母恩。

恩恩怨怨，不敢把我娘記恨，

恨佢恩將仇報，

知我者惟有三尺，嘅靈神

正喺神鑒諒我心，暗自告稟，

唉吔天公得許父相見，

我話過今生死也無怨憾。

自甘委屈，我自甘身作墮落人。

哩佢對我雖黑心，之我對佢真恩深，

願爹媽倆相印，願爹媽休怒憤。

我就為求庇蔭，我就為求庇蔭。

今日誤我哩一世﹐

禍起只為喺淫﹐自嗟暗自還帶恨

福心哩！好心哩！

可憐下哩個盲眼乞兒仔哩。

真饑餓咯，又淒涼呀哩。

少奶有乜冷飯菜汁，施舍下哩﹗

邊個好心哩！打救哩個盲人！

福心更善心，救苦又救貧。

望求做點好心，打救我貧共困。

保佑你地生意滔滔，一本賺萬金！

保佑你長年富貴，都越舍還仲有。

我自嘆今生不幸，真感激各位大貴人。