萬千花蕊慈母悲哀

萬千花蕊慈母悲哀 - 珂拉琪

詞：王家權

曲：王家權

下晡 一個人踮厝內

西北雨 沃澹窗外的衫

外口的人 猶未轉來

戇戇咧等 戇戇攑一支雨傘

爲你 幾若擺睏袂去

全世界 揣袂着你的形影

凡勢 會當共你放捒

氣身惱命 我哪會攏無要無緊

踮遮規暝 看電火閃爍

我踮遮等待 拍無去的人

聽厝內的聲 聲聲佇咧吼

我踅來踅去 思念火燒房間

袂開的花 無慾轉來的人

美麗的你啊 想着你彼當時

攑懸你的旗仔

路邊的話 滿街路雨紛飛

時代的變卦 孤單的我一個人

問天也毋捌

手內啥物攏無 只賰我欲予你的愛

有血有肉的人 煞下落不明

共你的 記持啊 囥佇我的心內

騎你的 白馬啊 行你欲行的路

風吹來 花落塗 點一欉香祈求

南無觀世音菩薩

若準講你 算着這齣悲劇

你敢會看顧 紲落來伊頭前

彼逝歹行的路

夢中的我 看你沓沓仔行

牽你的亡魂 有一工咱做夥

轉去彼個所在

我 蔫去的愛 規路攏是

佮你 恬去的心 你

佇這烏暗時代 佇這烏暗時代

是有緣無份 想欲講出

寫袂了的批 的

佮講袂煞的話 奈何

亻因 開袂完的銃 開袂完的銃

看人去樓空 火烌猶在

雨 微微仔落

天 微微仔光

看你 微微仔笑

後世人再會