咩事姐娛樂快訊:肥脆賀柑年 廣東話練腹肌

咩事姐娛樂快訊:肥脆賀柑年 廣東話練腹肌

咩事姐娛樂快訊:肥脆賀柑年 廣東話練腹肌

新年將至,既無聊又親民嘅「肥脆台」又點會唔同大家賀一賀?今次電視台高層就派出譽滿歸來嘅高收視節目《笑談廣東話》同大家見面,趁新正頭呢個柑吉遍地嘅日子,軒仔同菀B姐兩位主持就話要向大家解釋咩係「一吋光陰一吋柑」,之後更深入探討「吋柑」又點解「難買吋光陰」,誓估唔到咁哲學性嘅話題,依然能令兩位於節目中爆笑到不能自拔。

去片睇:(只限手機支援)

JOOX

都未等我咩事姐追問有咩內幕,「肥脆台」花旦菀B姐就响前日主動打來同我傾心事,話最近時常主持爆笑節目,忍笑忍出個未來,卒之比佢笑出一身腹肌,純正六嚿無花無假,仲逼出人魚線!咁我咩事姐都覺得女仔人家來說,係會有啲唔好意思同人講嘅!當我以為菀B姐為身材而煩惱到痺時,菀B姐卻表示無咩需要介懷,「呢套笑出腹肌健身法,好樂意同大家分享,你只需要有個同你爛gag程度差不多嘅好拍檔就可以,有咗佢,你想要恥笑忍笑爆笑都毫無難度,真係好方便!」

講到自己身形變化咁大,咁演唱會嗰陣係咪要騷肌?呢個時候菀B姐卻話鋒一轉,話驚大家會好難接受自己身型fit過軒仔,點都要比返幾分薄面,所以嚟緊都會積極打回原形,希望到時回復到最佳原狀見大家喎。

正所謂,無圖無真相,究竟菀B姐呢招笑出腹肌健身法係咪真係駛得?大家即管睇片參詳吧啦。

#笑到有腹肌

#唔係講假係講笑

#肥脆台新節目

#The Magical Teeter Totter演唱會2017

cover
00:0000:00
播放列表

未有加入歌曲