咩事姐娛樂快訊:軒仔狂食螺絲  忍笑全直播

咩事姐娛樂快訊:軒仔狂食螺絲 忍笑全直播

咩事姐娛樂快訊:軒仔狂食螺絲 忍笑全直播

其實食螺絲又有乜好驚喎!計我咩事姐話,有睇過以宇宙最無聊為傲嘅「肥脆台」節目,就一定心照。好似最新一輯嘅廣東話清談節目,軒仔一開口就夾著脷,講咩錯咩,話題「月薪日異」,但在菀B姐騎呢領導下,爛gag在兩位主播口中猶如滔滔江水、源源不絕咁連珠爆發,係辛苦咗一班忍笑忍得好甘嘅幕後人員就真。而今次節目更會以創新的直播方式進行,話由於時間關係,一早已錄影好個直播,聽落真亦假時,假亦真咁!

去片重溫 (只限手機支援)

JOOX

見軒仔狂食螺絲講錯嘢,我咩事姐同大家都以為係意外,但經電視台高層菀B姐引證下,原來呢招係佢苦練咗3年又3年嘅獨門演技法!呢套鮮為人知嘅演技理念,與俄羅斯練膽大法同系名門,務求要响鏡頭前不經意咁自然流露出錯時刻,蝦碌in purpose!菀B姐透露,鍛練期間,主力由飲食入手,軒仔每星期都會食螺絲粉,確保自己記住螺絲係要嚟食嘅。為咗做到最佳效果,就算食pizza,佢都會揀螺絲批嚟食,都咪話唔大犧牲!

軒仔本人就希望為呢套演技攪培訓班,搵到接班人令無聊精神可以承傳落去,「之後間學校先大開分店,然後上市集資,再用上市公司炒股票搞地產,最後再分拆上市!」雖然軒仔噏緊乜係有啲難明,但想欣賞軒仔對演藝界嘅呢份熱情嘅話就好容易,收睇「肥脆台」節目就得啦!

#食螺絲演技法

#爛gag浪接浪

#肥脆台新節目

#The Magical Teeter Totter演唱會2017