咩事姐娛樂快訊:強勢賀台劇 絕密曝光

咩事姐娛樂快訊:強勢賀台劇 絕密曝光

咩事姐娛樂快訊:強勢賀台劇 絕密曝光

近來掀起電視風雲嘅「肥脆台」,不單以「無聊加大碼,爛gag唔好嘥」為口號空降本港,引起大量本土認真人士搖頭側目,開台巨獻更一浪接一浪,我咩事姐已率先8到,嚟緊2017年會有賀台劇上演,宣傳片夠晒爆,又話套劇耗資千萬,中港日韓台巨星上陣,冰島實地取景,吹到好鬼行,希望為香港人帶嚟真正嘅揀擇喎!

消息人士指此劇集災難、愛情與動作片於一身,由主席張徑車同菀B姐擔正就梗,仲請來一眾從未出道嘅巨星坐陣,包括中式鳳眼餸輕蓮、韓國直送安在在、日本無事小李村嘥、港女代表長髮拉,仲有台瘋主廚淋蠔,務求令觀眾眼前一亮。據講導演對一眾演員好有要求,其中一場碌地沙嘅動作場面,講述安在在與長髮拉因愛成恨而打起上嚟,為咗加強愛恨交纏嘅效果,更由柴灣碌出荃灣再屈入吐露港,而且演得唔無聊唔收貨,攪到兩位一哥一姐NG無極限,碌足3天3夜,暫時仲未煞科,更嚴重超資,一位在拍攝現場嘅老朋友亦廣發短訊表示:「真係一套令人好碌forward嘅巨製,但唔知會否等到呢日嚟!」

JOOX

咁啱我咩事姐响𡃁Mark撞正菀B姐食緊hightea,當然要一探究竟,菀B姐就一貫高傲囂張含住cupcake再以下巴頂到上眼眉咁款話:「一百幾十億好小事,數字遊戲,跌都跌咗啦!套劇拍唔拍得成好小事,最緊要觀眾睇得盡興!」臨走仲向我咩事姐大叫:「唔好比啲老人家知!」喂呀,耐人尋味到一個點喎!為咗隆重其事,霸氣宣傳片快將見街,監制王菀明同編審張敬奸更透露我知,重金製作的無厘頭MV,亦會於畢日首播,大家不妨睇咗先講!

逢星期三晚9點爆脆現身

去片睇肥脆台 Ep2 - 成語動畫 (只支援手機版瀏覽):

JOOX

#一蚊變九毫

#劇力萬鈞賀台劇

#霸氣宣傳片今周見街

#無厘頭MV下周就有

#The Magical Teeter Totter演唱會2017