Gin Lee 李幸倪

蕭凱恩

這種親 (<<喬家的兒女>>港版宣傳曲)

Gin Lee《一早知道的情歌》

劇透下相愛　無力改無力愛

早知……當壞事發生了，早知便會伴隨嘴邊，奢望時間可扭轉劣勢，期望預知可填補一切。但可有料到，提早得悉一個不想撕破的答案，絲毫無誤猜中一個無情的結局後，你能部署的，又可以是甚麼？

寧願無力地迎接傷痛的到來，還是自我判處一道漫長的凌遲極刑？

Gin Lee李幸倪全新歌曲〈一早知道的情歌〉，由Claudia Koh作曲，Oscar填詞，舒文監製，將不少人渴望擁有的預知能力，投放到一段快要枯死的感情上。從眉梢眼角的躍動，説話言行的矛盾，已清楚知道你我之間相處時日無多，但發覺自己原來沒有力挽狂瀾的自信，更沒有先發制人的勇氣。最終，一切停留在散落前的瞬間，留戀那個肉體共處。

副歌一句「一早知道時日無多　一早知道從沒如果」最壞的結局早已給你預想到，但就是愛用自欺欺人來應對，啞忍當作修練、盲目叫作包容。「早知」的優勢換來更卑微的沉溺，難道你就是要這種結果？

一早知道的情歌

隨時隨地

白夜行 (極夜版)

Gin Lee 李幸倪《白夜行》
千錘痛擊序幕　百鍊解鎖成我

當你向着目標奮進，縱沿途荊棘滿路，總有高昂的意志替自己開路。
時而冷嘲，時而熱諷；偶爾中傷，偶爾謾罵。在低谷下，無助一剎，意志讓你重燃希望，在極暗黑的夜都可自發光芒。

李幸倪（Gin Lee）全新單曲《白夜行》，由謝霆鋒作曲，亞木填詞。今次是Gin Lee第一次收到霆鋒的作品，當聽到這首歌時，一幕幕畫面隨旋律泛起。歌曲前奏，引領你走進孤寂的夜空，既已前路無助，仍要獨抗困阻，但一次又一次的無情擊倒，都只是試煉的序幕，要逼令你響起悲鳴方休止。一刻未言敗，一息未倒卧，殘存意志終會喚醒靈魂，帶你撐過死蔭幽谷，重見最温暖的光。

歌曲要人感受低谷後，引發出重生的潛能。而謝霆鋒創作這首歌時，也嘗試在尋覓Gin Lee聲線的可能性。歌曲音域的跨度遼闊，從沉穩的低音，到營造劃破夜空一剎的激昂，讓大家聽到令人耳目一新的Gin Lee。而最後步入忘我境界的演繹，更是一次難度解鎖，難怪Gin Lee也承認，這是她入行以來數一數二難唱的歌曲，但正正這份難度，又叫她期待可現場演繹一次，將自己的進化展現出來。

回想向師兄邀歌，Gin Lee坦言起初沒太大信心，深怕對方分身不暇未有時間處理。殊不知霆鋒對這件事一直上心，二人重遇時更透露歌曲近乎完成，最後還親自擔任歌曲監製，替Gin Lee身訂造一趟昇華之旅。

白夜行

DIW 首個TV commercial，與 Gin Lee 合作 Jam歌

【為夢進發放肆衝，能為歲月去播種～】
今次同 Daze in White 夾band玩音樂，將成團火放曬入首歌度！生活就係要咁樣，有夢就去追，有火就要燃～

Wonderful Life in Motion

《Leap of Faith》除咗系 Gin Lee 嘅全新專輯，更記錄咗佢過去兩年嘅成長與蜕變。專輯收錄 11 首歌，包括新歌〈無愧於當初的我〉、〈企好〉、〈可惜我們沒有〉等，Gin Lee 透過音樂鼓勵大家，即使面對不確定嘅未來，都要堅定信念。呢張專輯送俾所有正在努力追夢嘅你，一齊擁抱挑戰，勇敢前行。

Leap of Faith嘅誕生

大家有冇諗過點解會用呢個碟名？其實，我都花咗唔少時間去諗，因為好想用個名嚟總結依兩年嘅經歷。過程中出現過好多唔同嘅options，最終兩個選擇就係 “Leap of Faith” 同 “17520”。

你知唔知，原來兩年繫有 17,520個小時？喺呢萬幾個小時裏面，我經歷咗好多唔同嘅事情、心情。呢只碟裏面嘅十幾首歌，亦都系呢兩年當中好重要嘅一部份。

對上一隻碟 “Time & Faith”，當時自己處於一個相當迷惘嘅狀態，我希望用時間同憑住信念可以揾到屬於自己嘅方向。由 “Time & Faith” 去到 “Leap of Faith”，真系跨越咗一大步，抱住信念嘅一大步。

由於 “Leap of Faith”個感覺再強烈啲，可以表達嘅嘢更多，而且……Designer 覺得個字好靚 ，所以我就欣然接受咗呢個建議（靚都好緊要ok？）個碟名就正式誕生

謝謝每一位買我專輯嘅你，感謝你哋嘅出現同參與，17520 - 一起，我愛你！呢一趟旅程感恩有你哋。也希望你哋可以帶住呢種信念跨向你想去嘅方向！

Leap of Faith

肥豪@FHProductionHK

正所謂：「玩都要認真玩！」 

如果一個月前我話會同 FHProductionHK 嘅肥豪出合唱歌，估計大家都會拗爆頭 但呢個世界真繫有無限嘅可能！

今次真系畀肥豪同孔德朗嘅誠意（其實系吉士多啲）打動，但系誠意還誠意，話曬都系出歌，點都要有返咁上下水準先可以出街，咁嘅情況我梗系要揾舒老闆出手啦！超級唔該曬～ 舒文
大家唔好以為我平時斯斯文文，我玩起上嚟都唔casual㗎～

可能有人覺得呢次合作系「玩票性質」，但事實上肥豪超！認！真！我覺得佢完全體現咗將壓力變成推動力嘅精神！系感動嘅～
其實每個人心裏面都有個難以跨越嘅心魔，會不停同自己講唔得，但呢次肥豪證明咗只要全力以赴去試，其實系得架！我講過㗎嘛，你比你想像中嘅自己更加強大！

無論系歌手、Youtuber，定系咩行業都好，大家多啲鼓勵、推動，先可以實現更多意想不到嘅目標。

至於我嘅短期目標，當然系想肥豪同我唱Live啦！大家幫嚇忙，狂loop我哋嘅MV，過百萬views肥豪就會現場開金口㗎啦！

疫後遺物

https://image.joox.com/JOOXcover/0/65090898a20478c4/300

這種親 (<<喬家的兒女>>港版宣傳曲)

歌曲列表

更多 Gin Lee 李幸倪