我的帳戶 我的音樂 登出帳戶

咩事姐娛樂快訊:賀台劇來襲 爆肚演技大激鬥

自從「肥脆台」台慶劇《一蚊變九毫》甫出預告,再下一城推出劇力萬鈞到講不出聲嘅MV,此後江湖傳聞可謂滿天飛,有人話呢套劇會有菀B姐同張敬車大尺度激咀戲,有人話劇中某角色全程無著底褲拍攝,有人話續集已率先拍完,又有人話台慶頒獎禮肯定拎到最硬膠劇集獎,個個走嚟向我咩事姐八卦返,攪到我人到癲,計我話,嘥氣啦,未到最後一秒場波都未踢完,以無聊為大任嘅「肥脆台」,點會比你咁易估到呀!咁又咪以為我咩事姐無料爆,原來套劇97.89%對白都係爆肚而來囉!

立即去片:「肥脆台」台慶劇《一蚊變九毫》(只限手機支援)

因版權限制,此影片只能在JOOX App版內觀看

有睇早前千呼萬喚始出來嘅第一集都知,當中旋轉型機關槍式對白,絕對係令觀眾熱血沸騰嘅原因。比如菀B姐由「你唔好講我唔想聽」到「你講啦我想聽」嘅心理掙扎位,就在短短幾秒內反覆咗十萬八千次,迫到張敬車無所適從到喊出嚟,真係聞者傷心聽者流淚。究竟如此天才嘅對白如何設計?編審張敬奸就話原來全程都係兩位大卡嘅爆肚演繹,「度好晒要講咩?NO WAY!爆肚最考急才,笑到接唔到但電光火石間又入到戲,算係呢套劇獨一無二嘅地方,好多謝菀B姐同張敬車呢對黃金拍檔傾情演出,我哋堅持唔CUT,保留原汁原味。」編審更表示初步構思會拍100集,咁先會交代到呢種迴腸盪氣嘅史C式劇情喎!

短短一場於火車上嘅對質場口,又真係對白都未講到就笑返一分鐘,貌似失控嘅一刻,一個轉身兩位主角又立即進入講數狀態,而且刀光劍影、金句連連,真是對白恆久遠Cap低永流傳呀!看來菀B姐確係越演越勇,可以同時間又喊又笑七情上面,攪到我咩事姐都睇好佢今次憑呢部電視劇贏得視后囉!咪以為「肥脆台」只得劇集好睇,據聞下周播放嘅天氣報告一樣令人笑到天陰都變天晴呀喂。

#天才爆肚組合

#小心笑到胃抽筋

#劇力萬鈞賀台劇

#The Magical Teeter Totter演唱會2017

往期回顧
評論
avatar 發送

請輸入評論

  • 暫無評論,快來寫下你的樂評吧!
00:00 / 00:00
0
播放列表 (0) 刪除列表
你尚未添加任何歌曲

首頁裡點擊播放或添加歌曲,馬上聽歌

    該歌單已存在,將歌曲合併到已有歌單中

    刪除歌曲

    確定刪除歌曲?

    刪除歌單

    確定刪除歌單?

    新建歌單

    可通過「收藏」(☆)把歌曲添加到新歌單中。

    編輯歌單名

    收藏到我的歌單